Inuman 101

 

 

Inuman – isang grupo na binubuo ng dalawa pataas na katao para magsalo sa alak hanggang malasing at pagusapan ang lahat ng bagay na maisipan nila.

dahil ang grupo ng lalaki na naguusap lang- ang tawag don ay CHISMISAN.

 

-simula at sulosyon ng mga problema.

 

 Must Haves:

 alak, chaser, pulutan, utensils, shot glass, baso, lighter, sigarilyo, yelo

optional- music, games, babae

 

Settings

 Una, siguraduhing malinis ang lugar na pagiinuman- lamesa at upuan ay kailangan- kung walang mesa- mag improvise

lamesang balasubas ay madalas gawin- lalo na ng mga karpinterong magiinuman sa trabaho

 Ihain ang lahat ng kobyertos at mga baso. kung isang grupo ng mga lalaki ang magiinom, isang baso isang shot glass.

maglalabas lamang ng extrang baso pag may TB o ano pang nakakahawang sakit ang mga kainuman mo- kung ganito ang senaryo-

paalisin ang may sakit o wag ipaalam sa kanya na magiinuman kayo

iset ang sounds bago pa magumpisa ang inuman para ganahan ang mga manginginom- umpisahan ng masayang tugtog para masaya ang inuman.

 

Tandaan: kadalasan ang mood ng inuman ay nadadala ng tugtog- ugaliin masaya ang tugtog- magpatugtog lamang ng inyong “cruisin” na cd pag senti ang isang tropa

makikita na naka-thumbs up pa ang ginoo sa inuman, patunay na masaya ang gabing ito

______________________________________________________

  

Etiquette

  

Sa inuman:

Bago mag umpisa ang inuman – ugaliing mag bigay tagay sa demonyo- kasabihang mahiwaga para di makisali ang diablo. (nangyayari to pards)

Pag abot ng baso- 3 minutes ang pinakamatagal na pag hintay. Mag bigay ng konsiderasyon sa mga ibang umiinom- sundin ang gintong kasabihan

Dibale ng magtagal sa suso wag lang sa baso.

Pag tapos tumagay – ibalik sa tanggero ang baso- tinagayan ka na, baka naman pedeng ibalik mo sa kanya. hindi ka prinsipe.

Ang chaser ay panawid lasa- hindi panawid uhaw. dun ka sa gripo lumaklak kung kakatapos mo lang mag gym.

Iwasan ang magtapon ng alak. binabayaran yan

Siguraduhing magaambag ka sa inuman- tigas mo naman kung makikiinom ka ng libre- pede ka lang malibre kung nilibre ka nila o niyaya ka kahit sabi mong wala kang pera

 

 Sa Pulutuan:

Una sa lahat, ang pulutan ay panawid pait, hindi panawid gutom- kumain ka sa inyo kung gutom ka.

Pag ginagamitang tinidor, huwag mong kakamayin- para kang walang pinag aralan.

Pagkain ng isda, hindi binabaliktad- sabi nila sa mga marino galing ang istilo na to para hindi tumaob ang barko.

Huwag mag reklamo kung ano ang nakahain. tandaan hindi to fiesta, inuman to.

Ang tinik,buto at mga parteng hindi makakain ilagay sa tabi- huwag kang baboy.

Kung hindi ka tanggero, guitarista at birthday boy/girl- pede kang magluto at tumulong sa iba pang gawain sa inuman. hindi ka pinanganak na senyorito, kung pakiramdam mo hari ka- dun ka sa kaharian mo maginom

 

Asal sa Mesa:

Kung isa lang ang tinidor, huwag mag inarte- Koboy dapat. inuman to- hindi sosyalan,

Sa kuwentuhan, alam na namin na kayo ang pinaka-siga, maraming chicks, mayaman, maporma at pinaka magaling sa lahat ng bagay. Huwag mo ng ikuwento

Pagbisita ka, makitawa sa mga joke nila- makihalubilo, aalukin ka nila ng ilang beses pero huwag mong abusuhin- hindi ka sanggol.

Huwag rin masyadong pasikat- ok lang magkuwento pag dayo ka- huwag ka lang kupal.

Huwag na huwag mambabara kung bisita ka. Pede lang mambara kung kupal ang binara.

Irespeto ang opinyon ng iba, tulad ng pagrespeto mo sayo.

Pag hindi na kaya- pwedeng pumas- huwag maging pasikat – kupal ang dating mo non.

Magpatawa ka para masaya- kung mang aasar ka sa tropa sigraduhin nakakatawa, hindi panlalait. Konsiderasyon sa bisita.

Ang pagiging siga ay hindi masaya sa inuman.

Huwag makipag sabayan. Buraot ang alagaing lasing.

Bigyan ng pugay ang nagpainom at may birthday – wag kang agaw eksena.

Goodtimes lagi.

 

After ng Inuman:

 

Ugaliing tumulong magligpit.

Kung di na kaya humiga sa isang tabi

Kung di tumutulong magligpit – huwag makulit.

Huwag kalimutan magpaalam sa nag painom at mga kainuman.

Kung aalis sa kalagitnaan ng inuman, gawing habit ang magiwan ng pangambag.

 

 

Suka Tips:

 

Pag naduduwal na, kumuha ng matamis para may pangsabay sa bibig pag naglalaway na.

Huwag magyoyosi pagnasusuka na, iba ang epekto ng usok sa tyan pag nakainom.

Pag nakakaramdam na ng suka, tumayo agad at dumiretso sa pinakamalapit na sukahan- (banyo, inodoro.)

Magmumog lagi pagkatapos sumuka- kadiri bibig mo brad.

At kung plano pang bumalik sa mesa- siguraduhing malinis ang itsura. Para di ka itaboy.

 

Tanggero Tips:

Bilang punong naatasan sa pag pasa ng tagay, siguraduhing kumpleto ka ng gamit tulad ng:

tabo ng tubig (pangbanlaw ng baso pag beer ang iniinom) pambukas, at lighter.

Ang obligasyon mo ay ipasa ang tagay sa lahat ng manginginom, mga nagambag – alukin ang lahat ng bisita.

 

 

Sa Mga Manginginom:

 

Pakunsuwelo sa mga nagpainom at tanggero, alalayan sila tulad ng pag replenish ng yelo, pulutan, pagbili ng pulutan at  pagpapalit ng music kung walang nakaatasang dj.

Ipanatiling masaya ang inuman, makinig sa sasabihin ng iba kung drama, at mag saya para makalimot sa problema-

sa larawan sa taas makikita na buhat ng isang ginoo ang kahon ng beer, ito ay senyales na sya ay tumutulong sa inuman.

____________________________________________________________

Maligayang pag inom sa inyong lahat, hari naway malasing kayo ng maayos!

______________________________________________________________

ashleighonline.multiply.com